Gengur upp og líka niður!!

Voðalega eru margir að bjóða manni í gotterí, kökupartý og almennt að gera manni erfitt fyrir þegar maður er að taka sig á!!!
Síðustu dagar hafa verið svoooolítið erfiðir og ekki alveg eftir bókinni en það er að jafna sig... Annars gengur ágætlega og vigtin heldur á niðurleið!

Mataræðið...

...er æði!
Málið er að nú skrifa ég niður ALLT sem ég borða, athuga í listanum mínum hvað það telur mörg stig og reyni að halda mig innan við 32 stig. Þannig ætti ég -með mataræðinu einu saman- að geta losað mig við 400 grömm á viku. Með hreyfingu ætti ég að geta losað mig við meira! Allur matur, kökur, kex og sælgæti er leyfilegt... kostar bara mis mikið af stigum! Dálítið eins og gjaldmiðill!! Og ég er búin að komast að því að með því að skrifa niður það sem ég borða og hversu mörg stig það kostar mig breytist ég í nískupúka sem "tími" ekki að eyða stigunum mínum í óhollustu!! -Sem er ljómandi!!!

Nú er bara að halda áfram að standa sig!

Komið úr fríi

Jæja, þá er komið að því! Ritgerðin er í höfn og mál til komið að fara að snúa sér aftur að baráttunni við aukakílóin!
Planið fyrir sumarið er ívið öðruvísi en hið mjög svo ágæta átak hjá Báru! Ég er byrjuð að vinna þannig að tíminn fyrir skipulagða leikfimi hefur heldur minnkað -að minnsta kosti þar til JES klárar skólann. Planið er því að huga VEL að mataræðinu. Matarátakið er raunar hafið og miðar að því að losna við ca. 500 grömm á viku með mataræðinu einu saman. Hreyfing gerir náttúrlega ekkert annað en að hjálpa til og vonandi verða næg tækifæri til að stunda hana í sumar, aðallega í formi göngu- og hjólatúra.

Varðandi vigtun þá hef ég ákveðið að stíga bara einu sinni í viku á vigtina með það fyrir augum að verða heltekin af henni svona fyrst maður er bara á rólegu nótunum. -Svona allavega í sumar!

En... sem sagt... Átak 2008 er hafið og búið að uppfæra tikkerinn hérna til hliðar!

Í burðarliðnum

Ritgerðarfarganið að verða búið, hjálpargögnin komin í hús... nú fer ég alveg að byrja baráttuna aftur...

Afturkippur og smá frí!

Ég verð að játa það... það hentust hingað 2 kíló á meðan ég hef setið hér yfir ritgerðinni minni sem var skilað (fystu skil) á mánudag. Eftir að sérstök átaksnefnd heimilsins kom saman og tók þá ákvörðun að senda átakið í frí þá hefur sem sagt ekkert verið gert hér í hreyfingu! Það stendur til bóta bráðum en fyrst er að koma lokaritgerðinni í endanlegan búning og skila henni. Þegar það verður búið (vonandi í byrjun apríl) þá mun baráttan við mataræðið og aukakílóin hefjast aftur og þá af fullum þunga! En þangað til verður átakið í smávægilegu fríi!

Niður niður niður

Jamm... bara gengur ágætlega! Nú er ég búin að ná af mér 1,7 kílói síðan ég byrjaði aftur eftir jól á námskeiðinu hjá Báru. Ég er sem sagt búin að ná af mér jóla"bónusnum" og aftur farin að narta í höfuðstólinn! Nú er bara að sjá hvort ég næ að skila 500 grömmunum á fimmtudaginn sem við -nokkrar kellur- hjá Báru skoruðum á hvora aðra að skila. Tilgangurinn er að halda okkur betur við efnið. Þannig að það verður græjan á morgun og frekar léttur dagur!
Annars er helsta vandamálið þessa dagna að ég sit öll kvöld -og langt fram á nætur- við að skrifa lokaritgerð og slík iðja kallar fram GRÍÐARLEGA sykurþörf hjá mér! En... maður verður bara að komast yfir það...
Bíð spennt eftir föstudeginum því ef mér tekst að skila 500 grömmunum get ég fært tikkerinn niður... spennó spennó!!!

Niður í dag

Ég fór niður um 700 grömm í dag frá því á miðvikudaginn! Það þýðir að ég er komin í sömu kílóatölu og fyrir jólafrí þannig að tikkerinn fær að halda sér. Ég þarf samt að halda mér á beinu brautinni því samkvæmt vigtun miðvikudagsins þá hafði ég ekki losnað við eitt gramm á námskeiði tvö hjá Báru. Ég var líka mæld svona ummálslega og það hefur nú heldur minnkað síðan síðasta mæling fór fram þannig að það er kannski ekki bara kílóin sem telja! Gaman að sjá tölurnar frá fyrstu mælingu og núna! Maður verður nú dálítið montinn að sjá hvað það eru farnir margir sentímetrar.

Annað sem ég verð að koma inn á hér... Ég veit að allir segja að maður verði svo ægilega hress af því að fara í leikfimi og við -þessi sem höfum heilt yfir ekki nennu til að vera í leikfimi- segjum alltaf bara: " já já... svefn hressir mann líka..." Ég verð að hryggja ykkur með því að segja að maður verður óneitanlega hressari af því að fara í leikfimi! Ég gat varla haldið augunum opnum á leið minni til Báru í dag, -mátti í alvöru passa mig á því að sofna ekki!! Fór í leikfimina og er bara búin að vera svona agalega spræk í allan dag! Merkilegt hvað mestu sófakartöflur geta fundið breytingu á sjálfum sér!

Nú er bara að vona að helgin gangi vel, gæti orðið erfitt þar sem það er afmæli á morgun og síðan dinner hjá pabba (sem átti afmæli í dag 11. jan.)! En.. sjáum hvað Bára segir á mánudaginn.

Gleðilegt ár

Halló halló!
Hér hefur náttúrlega ekkert gerst gríðarlega lengi þar sem undirrituð hefur bara ekkert mátt vera að því að sinna átakinu! Hér eru bara búin að vera veikindi á veikindi ofan og síðan fór mín bara að sinna lokaritgerð og að lokum var nú bara svo komið að jólin bönkuðu uppá með öllum sínum kræsingum þannig að hér hefur ekkert farið niður... jahh.. nema ef ske kynni tíminn sem eytt er í það að spá í mataræði og hreyfingu! Hann hefur verið á hraðferð niður á við og er í augnablikinu í núlli!! EN... mín var nefnilega dálítið snjöll sko! Ég sá í hvað stefndi og borgaði mig inn hjá Báru í byrjun desember!!! AHA... og af því að það kostar hellings pening og ég komin með upp undir eyru af súkkulaði og appelsíni (allt búið núna sko!!) þá byrjar gleðin á nýjan leik á morgun.. jahh..eða á eftir! Nú eru báðir ungar komnir með rör í eyrun og horið í nösunum er farið að minnka, öll viðtöl í tengslum við lokaritgerðina eru búin þannig að nú er manni ekkert að vanbúnaði!

ÁTAK 2008 er HAFIÐ!

Ég ætla svona að sjá hver staðan verður á vigtinni hjá Báru á morgun og færi svo tikkerinn hér til hliðar í samræmi við það! -Ég ætla að setja mína peninga á að ég þurfi að færa hann upp um ca 2 kíló... ekki minna! En það verður fljótt að fara niður aftur, mín er nefnilega nokkuð vel gíruð núna!
Gangi mér vel!

Niður

Já, það var niður á mánudag! Ekki mikið, 100 grömm eða svo, en niður samt! Ég var bara sæmilega sátt þar sem ég fór ekkert á græjuna OG var með matarboð. Nú er bara að sjá hvað verður á mánudaginn. Ég kemst ekki í tímana þessa vikuna, er á leið í viðtalstöku á morgun, miðvikudag, og síðan til Kaupmannahafnar á föstudaginn! Eins gott að labba og labba þar! Ekki vanþörf á þar sem þetta er svona "julefrokost" ferð með vinnunni hans JES. Sjáum til hvernig gengur. -Ég kannski nýti mér gymið á hótelinu!!! (That will be the first!!!)

Aftur niður!!

Jamm.. ég barasta er á gríðarlega miklu skriði þessa dagana! Ég er búin að finna gírinn aftur, bæði varðandi mataræðið og líka hreyfinguna, þannig að tikkerinn var aftur færður niður í dag! Ég var í "glænýju-kílói,5" á föstudaginn hjá Báru þannig að ég leyfði mér það nú bara! -Síðan gekk helgin að ég held bara allt í lagi. Reyndar var hér matarboð á laugardaginn en ég kunni mér hóf bæði í aðalréttinum og líka í eftirréttinum. Ég allavega vonast til þess að ég fari ekki upp á morgun (eða í dag... það er víst kominn nýr dagur!!).
Sé til á morgun.